Dunas

Barrañán
de fortes mareas e vento recho.

Barrañán
de escume áureo pintando as ondas.

Barrañán
donoso area berce de dunas.

No infinito

As ondas do mar bravío

agarimoso son,

os lixeiros pés amantes

bicando a area,

e no infinito o sol.

Salitre

Arrecendo de salitre

no ar i en nós.

Mais o mar, que vén e vai

batendo os cons,

celme de sal.

Pegadas

As nosas pegadas na morna area,
vieiros efímeros,
Mais o mar que vén e vai
é bico eterno
dende a noite dos tempos.

Barrañán

Barrañán

de fortes mareas

e vento recio.

Barrañán

de escume áureo

pintando as ondas.

Barrañán

donosa area

berce das dunas.

Barrañán!

Buscádeme na beiramar
alí, entre os canavais
e as dunas mutantes,
onde o sol recio e forte
rí brincando nas vagas.


Seguide as miñas pegadas
lenes, na morna area,
efímeras, errantes,
alí, onde as ondas cantan...

Ba-rra-ñán!