A Carme de Amelia
que nos levou da man.
Somos peregrinos ante o teu altar,
pombiña dourada, para te implorar.
Rosiña de pedra
de doce mirar,
Señora da terra,
Raíña do mar,
Pastoriza nosa!
Vimos os romeiros de moitos lugares,
buscando consolo de tantos pesares.
Mediadora amada do pai celestial,
a súa bondade queremos lograr.
Señora da terra,
Raíña do mar.
Pastoriza nosa!
Estrela lucente, Nai do Salvador,
es luz e camiño de entrega e de amor.
Volvemos ditosos por montes e vales,
cantando louvanzas das súas bondades.
Señora da terra,
Raíña do mar,
Pastoriza nosa!
Pastoriza nosa!
Letra: Manuela Canosa Rabuñal
Música: Ramiro Suárez Gómez
